„Hom ma alles? Grill, Brotwörscht, Senft, Kulln und Bier sin einglodn. Klappstuhl hot a jeder. „Also forn ma lus. Wu no eigentlich?“

„No auf Treffen!“

„Willi fohr vorraus, du wast an Wech.“

„Etz müss ma nuch wartn, des rengt! Ich hob doch net die ganza Wochn gschraupt, geputzt und poliert, dass ma etz im Reng fohrn.“

Do hot a eigentlich Recht. 5 Monn ham die letzten Wochen nix anders gmacht, außer die Autos fürn Summa startklor zu machen. Neua Felng, a härtas Fohrwerk oder an Metallic-Lack, des muss scho sa. Jeder freut si scho, sein Opel zu zeign, do wern sa schaua, wenn mir die Haum aufmachn!

„Hob, ezt rengt´s nümma! Hutzi steig ei!“ Auf geht’s!

Bis mir okumma sin, wors scho fast nocht. Wor obba net schlimm, mir hom unna Zelt einfach aufgstellt, wu nuch Plotz wor. Plopp! Schau no, der Hannes und der Betzi hom des örschte scho aufgmacht! Die feiern scho, do hom der Winkler und der Willi erscht die Putzlappn ausgepackt und hom die Autos nuch a mol raus geputzt. Und do kumman a scho die örstn mit ihr Fotoapparate. Die glotzn vielleicht, des hätt a mol sägn solln! Die worn obba net verkehrt, also hom ma nuch ans getrunkn mit dena und su is die ganz Nocht ganga…

Om Samstoch sin ma dann ah mol rumgloffn auf dem Plotz. Do sicht ma scho ganz schö was. Schau mol no, die hom alla die gleichn Pullova! Und die Aufkleba auf die Scheim, des is scho net schlecht, do sicht ma wengstns, dass ma zam ghört. Su wos mach ma a!

Ja, so oder so ähnlich ist es wohl gewesen, als 2003 unser Blitz-Team Franken gegründet wurde. Die 5 Gründungsmitglieder waren nicht lange alleine und haben zahlreiche Opel-Freunde gefunden, die den Spaß am Schrauben und Opel-Fahren teilen. Mittlerweile zählt unser Club 37 aktive Mitglieder, die sich oftmals verabreden und gemeinsam zu Opel-Treffen fahren. Ein großes Highlight sind jedes Jahr unsere Saisonstart und -abschluss Feiern, bei denen wir den Winter- bzw. Sommerreifen ade sagen…

So, und jetzt viel Spaß am Schmökern auf unserer neuen Seite!

Euer Blitz-Team-Franken

	Willy (Vorstand) Marcus Sendelbeck Dürrbrunn Kadett C Coupe GTE 2.4
	Bezi (Kassier) Markus Bezold Hollfeld Vectra B 2.0 16V
	Tac (Schriftführer) Thomas Bauernschmitt Waischenfeld Kadett E Cabrio GSI 2.0 8V